रौतहट चैत्र-१० पवन राज गुप्ता
मधेश प्रदेश सरकार बाट उपलब्ध ब्याग तथा ज्योमेट्री बक्स वितरण गरिएको छ । रौतहटको दुर्गाभगवती गाउँपालिका स्थित रहेको दुई वाटा माध्यमिक बिधालयमा सो सामाग्रीहरु वितरण गरिएको छ ।दुर्गाभगवती गाउँपालिका वडा नम्बर २ मा सरस्वती माध्यमिक भलोहियाका र वडा नम्बर ३मा संस्कृति माध्यमिक मत्सरी कक्षा ९ का बिधार्थीहरुलाई बैग र ज्योमेट्री बक्स वितरण गरिएको छ ।
शुक्रवार एक कार्यक्रमका बिच दुर्गाभगवती ग़ापा अध्यक्ष शम्भू सिंह ,उपाद्यक्ष शिला देवी,वार्ड अध्य्क्ष डी.के झाले बैग तथा ज्योमेट्री बक्स वितरण गरेका छन् । मधेश प्रदेशबाट उपलब्ध गराइएको सो सामाग्री वितरण गरिएको हो । सो अवसरमा प्रधानाध्यापक कृष्ण कुमार पंकज, त्रियग नारायण झा,वडा न.३को वडा सचिव उमेश झा,लगायत ब्यक्तिहरुको उपस्थित रहेको थियो । हाल मधेश सरकारले कक्षा ९ का छात्र र छात्रा दुवैका लागि भन्दै एउटा ब्याग र गणित विषयमा काम लाग्ने एक औजार बक्स बितरण गरिरहेको छ ।
चैत ८ गते सम्म आईएमईएसमा दर्ता भएका मधेशका कुल ८६ हजार ५ सय २३ विद्यार्थीलाई मधेश सरकारले यो सामान वितरण गरिरहेको छ । रौतहटमा पनि वितरण कार्यको थालनी गरिएको छ ।
