चैत्र-६गते पवन राज गुप्ता
रौतहट । रौतहट जिल्लाको गरुडा नगरपालिकाले आफ्नो क्षेत्रमा रहेको एक मात्र श्री वंशीराम जयसवाल अनाथालयलाई ठूलो आर्थिक सहयोग प्रदान गरेको छ ।
मङ्गलवार आयोजित एक कार्यक्रममा नगरप्रमुख कन्थमणी प्रसाद जयसवालले अनाथालयलाई ५ लाख रुपैयाँ नगद हस्तान्तरण गरेका हुन् । सहयोग नगरपालिकाको संस्थागत अनुदान कार्यक्रमअन्तर्गत प्रदान गरिएको हो ।
अनाथालयमा आश्रित बालबालिकाहरूको शिक्षा, खानपान र आधारभूत सुविधा व्यवस्थापनमा यो रकम उपयोगी हुने अपेक्षा गरिएको छ ।
फ़ोटो:-पत्रकार संजय सहनी
