आषाढ़-६ गते पवन राज गुप्ता
गरुडा नगरपालिकाको १३औं नगर सभा तथा नवौं बजेट अधिवेशन सफलतापूर्वक सम्पन्न भएको छ ।
नगरसभाको अध्यक्षता गरुडा नगरपालिकाका नगरप्रमुख कन्थमणी प्रसाद जयसवालज्यूले गर्नुभएको थियो।
कार्यक्रमको प्रमुख अतिथि संघीय मामिला तथा सामान्य प्रशासन मन्त्री माननीय राजकुमार गुप्ताज्यू रहनुभएको थियो ।
नगर उपप्रमुख पुनम चौधरीज्यूले आर्थिक वर्ष २०८२/०८३ का लागि रु. ६९ करोड २६ लाख १७ हजार ३ सय ६७ को संशोधित नीति, कार्यक्रम तथा बजेट प्रस्ताव प्रस्तुत गर्नुभएको थियो, जसलाई नगर सभाबाट पारित गरिएको छ ।
शिक्षा, स्वास्थ्य, कृषि, सडक, रोजगारी, लघु उद्यम, महिला, बालबालिका, दलित, अपाङ्ग र पछाडि पारिएका वर्गको हितमा नीति तथा कार्यक्रममार्फत अगाडि बढ्ने प्रतिवद्धता व्यक्त गरिएको छ ।
कार्यक्रममा सहभागी हुनुभएको सांसद, वडाध्यक्षहरू, जनप्रतिनिधिहरू, राजनीतिक दलका प्रतिनिधिहरू, नागरिक समाज, सञ्चारकर्मी, सुरक्षा निकाय, कर्मचारी तथा आदरणीय नगरवासी सबैप्रति गरुडा नगरपालिका हार्दिक आभार व्यक्त गर्दछ ।
