रौतहट,
पवन राजगुप्ता
गाउँपलिकाका सिंह गुनासो सुन्न टोल टोलमा
रौतहटको दुर्गा भगवती गाँउपालिकाका जनप्रतिनिधि गाँउ गाँउमा पुगेर सर्वसाधरणको गुनासो वा समस्या बुझने काम गरिरहेका छन् ।
दुर्गाभगवती गाँउपालिकाको अध्यक्ष शम्भु सिंह र वडा न १ का वडा अध्यक्ष प्रधुमन कुमार चौधरी, कार्यपालिका सदस्य सिकेन्द्र जयसवाल र वडा सचिव राजेश दास विहिबार गाँउमा पुग्नु भएको हो । जनप्रतिनिधीहरु वडाको बिभिन्न टोल टोल घर घर पुगी सेवाग्राहीहरुको समस्या र कार्यलयबाट भएको सेवा प्रवाह र टोल टोलमा भएका निर्माणका कार्यका बारेमा छलफल गर्नु भएको छ । टोल–टोलमा पुगेका गाँउपालिका जनप्रतिनिधि समक्ष स्थानियले आफनो समस्या र जिज्ञासा राखेका छन् । गाँउपालिकाका अध्यक्ष सिंह सहितको टोलीलाई स्थानियले टोलमा भईरहेका विकास निर्माणको कामका बारेमा अवगत गराएका हुन् ।
गाँउपालिकाका अध्यक्ष सिंहले आफु विभिन्न टोलमा पुग्दा स्थानियमा उत्साह छाएको बताउनुभयो । गाँउ गाँउमा पुगेर स्थानियबासी संग भलाकुसारी र छलफल गर्न पाँउदा आफु पनि हर्षित भएको उहाँको भनाई छ । स्थानिय स्तरमा देखिएका समस्या सोहि टोलबासी संग छलफल गरेर सामधान गरिने समेत उहाँले जिकिर गर्नुभयो ।
आफुले मतदाता समक्ष गरेका बाचा क्रमशः पुरा गर्दै गएको बताउँदै उहाँले अव घर दैलो अभियानलाई निरन्तरता दिने बताउनुभयो । गाँउपालिकाको कार्यालयसम्म आएर कतिपयले सेवाग्राहीले गुनासो वा समस्या राख्न नसक्ने भएकाले आफै टोल टोलमा पुग्ने अभियान थालेको उहाँले जानकारी दिनुभयो ।
यसले गर्दा टोलबासीको समस्या, गुनासाका प्रत्यक्ष सुनिने र सामधानको उपाय खोजिने उहाँको तर्क छ ।दुर्गा भगवती गाँउपालिकाका अध्यक्ष सिंहले थाल्नु भएको यस अभियानको चौतफी प्रशंसा भएको छ ।
