अपाङ्गता भएका महिला र किशोरीका लागि समावेशी शासन कार्यक्रम सम्पन्न
रौतहट, पवन राज गुप्ता
रौतहट — “समावेशी शासन, स्वतन्त्रताको प्रवर्द्धन, र नेपालको अपाङ्गता भएका महिला र किशोरीहरूका लागि रूपान्तरित वातावरण (IGNITE)” परियोजनाअन्तर्गत एक परिचयात्मक कार्यक्रम दुर्गाभगवती गाउँपलिकामा सम्पन्न भएको छ।
उक्त परियोजना संयुक्त राष्ट्रसंघीय जनसंख्या कोष (UNFPA) को सहयोगमा, CBM Global Disability Inclusion र नेपाल अपाङ्ग संघ (NFDN) को साझेदारीमा सञ्चालित रहेको छ।
कार्यक्रमको उद्देश्य अपाङ्गता भएका महिला र किशोरीहरूको अधिकार, सहभागिता, स्वावलम्बन र सशक्तिकरणमा जोड दिँदै स्थानीय तहमा समावेशी शासन र समान अवसरको वातावरण निर्माण गर्नु रहेको छ। साथै, लैङ्गिक हिंसाविरुद्धको सचेतना र अपाङ्गता भएका महिलाहरूको पहुँच अभिवृद्धि गर्ने लक्ष्य परियोजनाले लिएको छ।
कार्यक्रममा दुर्गाभगवती गाउँपालिकाका अध्यक्ष शम्भू सिंह, वडा अध्यक्ष डी.के. झा, रमानन्द यादव, धर्मनाथ चौधरी लगायत गाउँपालिकाका विभिन्न शाखा प्रमुखहरू, महिला प्रतिनिधिहरू र सरोकारवालाहरूको उपस्थिति रहेको थियो।
कार्यक्रममा “Speak Out Against Gender Based Violence” भन्ने सन्देश सहित लैङ्गिक हिंसाको विरुद्धमा जागरूकता फैलाउने प्रतिवद्धता जनाइएको थियो।
