रौतहट, २०८२ जेठ २२ बिकास मिश्रा – जिल्ला समन्वय समिति, रौतहटको आयोजनामा तथा RDC Nepal Rautahat र World Vision International को साझेदारीमा गरुडा नगरपालिका र माधवनारायण नगरपालिकामा बाल संरक्षणका सवालहरूको विश्लेषण, न्यूनिकरण र आगामी कार्ययोजना सिफारिस संयन्त्रबारे सरोकारवालासँग अन्तर्क्रिया कार्यक्रम सम्पन्न भएको छ।
कार्यक्रममा प्रमुख जिल्ला अधिकारी श्री बिनोद कुमार खड्काको अध्यक्षता रहेको थियो भने जिल्ला समन्वय अधिकारी श्री अमित कुमार यादव विशेष अतिथि रहनु भयो।
उक्त अन्तर्क्रियामा सहभागी सरोकारवाला निकायहरूले स्थानीय तहमा बाल संरक्षणसम्बन्धी देखिएका प्रमुख चुनौतीहरू, जोखिम न्यूनीकरणका उपायहरू तथा नीति निर्माण र कार्यान्वयनमा समन्वयात्मक पहलको आवश्यकता बारेमा गहिरो छलफल गरेका थिए।
कार्यक्रमको उद्देश्य बाल अधिकारका विषयमा स्थानीय सरकार, नागरिक समाज, सुरक्षा निकाय र अन्य सरोकारवालाबीच सहकार्य र समझदारी अभिवृद्धि गर्नु रहेको आयोजक संस्थाहरूले जनाएका छन्।
समाप्त कार्यक्रममा आगामी दिनमा बाल संरक्षणका सवालमा थप प्रभावकारी नीति र कार्यक्रम ल्याउन आवश्यक कदमहरूको खाका कोर्ने प्रतिबद्धता समेत व्यक्त गरिएको थियो।
