रौतहट
मंगसिर-१६
पवन राज गुप्ता
रौतहटको दुर्गाभगवती गाउँपालिका -२ भलोहियामा यस वर्ष पाँच वर्षपछि पञ्चवर्षीय गढीमाई मेला लाग्दै छ।
भलोहिया गाउँभन्दा पश्चिम सुकदेवचौक जाने बाटोमा रहेको गढीमाई मन्दिरको प्राङ्गणमा यही मंसिर २० गतेदेखि दोस्रो गढिमाई मेला लाग्दै छ।
यहाँ विगत ५ वर्षदेखि प्रत्येक पाँच वर्षमा गढीमाईको भव्य मेला लाग्ने गर्दछ। पाँच वर्षपछि यस वर्ष लाग्न थालेको भलोहियाको गढिमाई मेला दोस्रो मेला हो ।
मङसिर २० गतेदेखि सुरु भई मंसिर २५ गतेसम्म लाग्ने गढीमाई मेलाको तयारी अहिले तिव्र गतिमा भइरहेको भलोहियाको वडा अध्यक्ष सुरेश चौधरीले जानकारी दिएका छन्।
यस मेलामा नेपालका विभिन्न जिल्लाका लाखौं भक्तजन गढीमाईको दर्शन गर्न र आशीर्वाद लिन आउने गरेको मेला समिति का अध्यक्ष संजय पांडेयले बताए ।
मेलामा मङसिर २० गतेदेखि नाचको पनि व्यवस्था मिलाइएको उनले बताए।
भलोहियाको एतिहासिक गढीमाई मेलामा देशभित्रका लाखौं पुग्छन्, यति मात्र नभइ यस मेलामा भारतको बिहारबाट समेत भाकल पूरा गर्न भक्तहरूको त ओइरो नै लाग्ने गरेको दुर्गाभगवती गापा को अध्य्क्ष शम्भु सिंहले बताए।
मेलालाई सभ्य,भव्य र व्यवस्थित बनाउने उदेश्यका साथ अहिले बाहिरबाट आउने आगन्तुकका लागि शौचालय निर्माण,पण्डाल बनाउने लगाएत कार्य सम्पन्न भसकेको मेला समिति को सचिव बिगन महतोले बताए।
