जनकपुर, २२ वैशाख । धनुषाका कमला नगरपालिकाका वडा नम्बर १ मा नेकपा माओवादी केन्द्रबाट वडाअध्यक्ष पदमा उम्मेदावरी दिएका सर्वदेव यादवका ७० वर्षीय बुवा चन्द्रनारायण यादव र हरेराम मण्डल दुवैलाई एकै समयमा आक्रमण गरेको छ ।
उहाँहरु विहीवारका दिन घर बाहिर सुतिरहेको थिए । उनीहरुले वडाअध्यक्ष पदमा उम्मेदवारी दिएको छोरोलाई खोज्दै आएका थिए, चन्द्रनारायण भन्छन्, यसो उनीहरुतर्फ हेरे लगत्तै आफूमाथि आक्रमण गरे । गाउँकै राजकुमार यादव, बिन्देश्वर यादव,श्रीकिसुन यादव, शम्भु मण्डल सहितको समूहले रड, लाठी खुकुरीले टाउको, खुट्ट सहितका ठाउँमा प्रहार गरेका उनले भनेको छ । धनुषा प्रहरी प्रवक्ता एवं डीएसपी प्रदीपबहादुर क्षेत्रीले घटनाको अनुसधान भइरहेको बताएका छन् । पीडितले लिखित जवाफ दिएका छैन उहाँहरुले भनेको हुलिया अनुसारको व्यक्तिहरुको खोजतलास भइरहेको छ ।
